من  وحى الدراسة :

                                            قفشات.. وضحكات.. الطلاب

           

                   "الدراسة هتتأجل  امتى..؟! عشان أنا زهقت "وغيرها من التعليقات الساخرة والصور المعبرة بين طلاب المدارس والجامعات على صفحات "فيس بوك"، كلها في إطار مضحك ساخر مع بدء

 الدراسة وعدم تأجيلها مرة أخرى، أو ثالثة.. بعضهم متحمس لعام جديد والآخر يرغب فى استمرار الأجازة.. فيقول أحدهم..على سبيل الدراسة: أنا هضبط المنبه على أغنية "مش هروح".. وما بين آراء الطلاب جاءت هذة التعليقات على بداية نصف عام دراسى  جديد..

 

 

- "مش عارف أنا دلوقتى طالب محتاس أروح الجامعة أجيب الكتب، وأذاكر.. ولا أجيب ملازم المراجعة وأراجع "هكذا بدأ مصطفى الزينى -كلية هندسة- فيقول: مدة الدراسة فى التيرم الثانى أيام معددوة، فلا حاجة لشراء الكتب، فالملخصات أفضل وأشمل بالأجزاء المهمة.

 

- وأكثر "كومنت" يعجب محمد جميل  17 عاماً "شكلى ﺑـﻠﺒﺲ ﺍﻟﻤﺪﺭﺳﺔ ﺳﺎﺧﺮ، ﻫﺰلى، ﻏﻴﺮ ﺣﻘﻴقى، ﻏﻴﺮ ﻣﻮﺿﻮعى ﻭﻻ ﻳﻤﺖ ﻟﻠﻮﺍﻗﻊ ﺑﺼﻠﺔ، ﻭأى ﺗﺸﺎﺑﻪ ﺑﻴﻨﻪ ﻭﺑﻴﻦ ﺍﻟﻮﺍﻗﻊ ﻓﻬﻮ ﺃﻏﺮﺏ ﻣﻦ ﺍﻟﺨﻴﺎﻝ "لبس المدرسة ده لوحده عقاب أصلاً.

 

- وحسين صلاح 16 عاماً يشعر بالسعادة مع بداية العام ورافض لتأجيلها وليس هادفاً للمذاكرة فيقول "اخرج براحتك فى الدراسة عشان هتتحبس فى الأجازة لازم نتعلم من غلطنا".

 

- وزاد حب بعض الطلاب للحكومة وخاصة وزير التربية والتعليم، وقال محمد حسين -الصف الثاني الثانوى- إنه يحب وزير التربية والتعليم  فهو"حاسس بالطلبة" "ويعلق بعض الطلاب على صفحتهم قائلين: "ومين قال إن الحكومة وحشة.. دى زى الفل.. قطع لسانه اللى يقول كده" كما جاءت التعليقات بفرحة الطلاب"أجّل كمان وكمان.. هدعيلك فى كل مكان".

التربية والتأجيل
<!--

وانتشرت على الصفحات جمله شهيرة "اللى عاوز تأجيل الدراسة.."يدوس لايك، واللى مش عاوز يعمل كومنت"، ومطالبات لتغيير اسم وزارة التربية والتعليم إلى وزارة التربية والتأجيل.

 

- "الدراسة بدأت.. متقولهاش تانى.. مافيش سهر على الفيس.. ارجوك كفاية.. وهنصحى بدرى بالعافية..لأاااااااااااااااااااااا"" أرجوك ماتخليش الدراسة تأخذك من الفيس .."وما بين محمد مصطفى  وعبد الله إبراهيم تبادلت الكومنتات والتعليقات كالآتى: "وهو رجوع الدراسة فارق فى إيه ما احنا بقالنا شهرين بادئين دروس" مد الأجازة لمدة أسبوع آخر.. دا اللى كان نفسى فيه"" يعنى إيه.. هرجع تانى اتطرد من الحصص". الإقبال على الديسك الأخير تاريخى يافندم"


-وتقول مى محود -كلية إعلام، جامعة الأزهر: بعد تأجيل الدراسة فيها:"أنا بقول ممكن نأجرها قانون جديد.. وهى ترزق بدل ماهى مقفولة على الفاضى "وبعد سماع عن إلغاء أجزاء من المنهج أعجبت مى بـ"واحد دحيح بيقول: قرارالتأجيل دا هيضيعنا ومش هنعرف نلم المواد.. يرد الفاشل: الواد ده قلبه اسود ومش حلو من جوة "اللى بيحصل دا هيعطل التعليم وهيلغى حاجات من المناهج.. وأنا بصراحة بموت فى كدا"
<!--

- كما جاءت بعض التعليقات حول المدرسين "الإخوان"، حيث قال أحد الطلبة: " أنا لو أى مستر إخوانى ضايقنى.. هطلعلوا صورة السيسى ألزقها فى وشه"، كما انتشرت صور للجيش وهو يقوم بتوزيع الشيكولاتة على الطلبة مع تشغيل معظم المدارس لأغنية "تسلم الأيادى".

 

- ومن أبرز التعليقات الساخرة عن بدء العام الدراسى الجديد": فقط فى مصر (الأجازة): اعتصامات، اشتباكات، مظاهرات حظر تجول.. (الدراسة): باسم يوسف، ستار أكاديمى، ذا فويس والدنيا بتمشى زى الفل"

-"لما تقرر انك تذاكر الترم الثانى وتحضر دروس..انت بتعرف تذاكر..والله مش متأكد..انت عبيط يا بنى ما هو يا بتعرف يامبتعرفش.. ما هو أصلى مجربتش"

-"سمعت إن وزير التربية والتعليم بيفكر يأجل الدراسة تانى لسة بقول هيييييييه.. افتكرت إنى 3 ثانوى"عليا النعمة لو الوزير لغى الترم.. لأكون معلقة صورته علي باب الشقة"

"- فى فرق شاسع بين إن الدراسة تبدأ وبين أنى أبدأ أذاكر" "فى الدراسة الواحد بقى بينام زى الفرخة بدرى وبيصحى زى الديك بدرى"

- "لما يدخلك مدرس لسة جديد فى المدرسة ويطلب منك كشكول ١٠٠ ورقة سلك وانت أصلاً القلم مابتجيبوش معاك "يو فييل لايك" ده جاى يحقق أحلامه هنا".
- "المجد لكل ولد مش بيروح يقف عند مدرسة البنات فى آخر النهار.. ده مجد ذات نفسه بيروح"

وففى النهاية تتردد على الصفحات رغم بدا الدراسة" يا أجازة: أنا فى انتظارك "مليت".

 

 

 

                                                    هايدى زكى 

المصدر: هايدي زكي _مجلة حواء
  • Currently 0/5 Stars.
  • 1 2 3 4 5
0 تصويتات / 1557 مشاهدة
نشرت فى 8 إبريل 2014 بواسطة hawaamagazine

ساحة النقاش

hawaamagazine
مجلة حواء أعرق مجلة للمرأة والأسرة المصرية والعربية أسسها إيميل وشكرى زيدان عام 1955، وترأست تحريرها الكاتبة أمينة السعيد، ومن يوم تأسيسها تواكب المجلة قضايا وهموم المرأة والأسرة المصرية والعربية. »

ابحث

تسجيل الدخول

عدد زيارات الموقع

19,458,729

رئيس مجلس الإدارة:

أحمد عمر


رئيسة التحرير:

سمر الدسوقي



الإشراف على الموقع : نهى عبدالعزيز