<!--

<!-- <!-- <!-- [if gte mso 10]> <mce:style><!-- /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} --> <!-- [endif]---->

الحمد لله ولا حول ولا قوة إلا بالله، ولا اعتراض على مشيئة الله، لكن من حقى أعترض على مسئول مرفق مياه القاهرة الكبرى، واللى مسئولين عنه واللى مسئولين عن المسئولين عنه لغاية ما توصل للسيد رئيس الوزراء، وبس نقف لإن ده شغل الحكومة، مش شغل الرئيس السيسى.

لما الميه كل كام أسبوع تقطع باليومين والثلاثة، ومافيش واحد مسئول إن كان فيه مسئول فعلاً وحد حريص على مقدرات هذا الشعب ويحترمه ويخرج يقول لنا المشكلة إيه يبقى لمؤاخذة منتهى الاستهتار بهذا الشعب اللى على قد صبره اللى يشبه صبر الجمل، تكون ثورته اللى تشبه ثورة الفيل، وانتم جربتوا وشوفتوا بعينكم فللصبر حدود، لما تكون الدنيا حر، ودرجة الحرار 39 درجة مئوية، وداخل علينا العيد والميه مقطوعة، ويقول لك مسورة مكسورة وتقعد تتصلح 3 أيام يبقى لمؤاخذة، معهلش إحنا ما بينضحكش علينا، عايزين نعرف المشكلة إيه وهاتتحل إمتى وبعدين طالبونا بالصبر، لكن المشكلة إن ماحدش بيعبرنا ولا يقول أى بيان، ولا يخرج علينا يحترم عقليتنا كده زى الرئيس السيسى ما عمل يوم الخميس الأسود، عندما حل الظلام بمصر كلها وخرج علينا فى خطاب تليفزيونى، شرح ملابسات انقطاع التيار الكهربائى فى هذا اليوم والشعب احترمه وتقبل الكارثة والمصيبة السودة اللى الحكومة كانت السبب فيها، وشال عنها غضب الشعب، هل مطلوب النهاردة كمان الرئيس السيسى يخرج علينا ويقول سبب انقطاع المياه عن مدنية نصر والمعادى والقاهرة الجديدة 3 أيام، هل مطلوب منه أن يخرج علينا يشرح ملابسات كل مصيبة يعملها أحد المسئولين فى الحكومة، فين مسئولين مرفق مياه القاهرة الكبرى، هايكونوا أحسن من الرئيس السيسى، إنهم يخرجوا علينا ويشرحوا ملابسات الأمور، ولا المسئول مرفق مياه القاهرة عارف السبب الحقيقى، وخايف يقول ومتستر على الخونة اللى قاطعين عننا المياه، يعنى إيه ماسورة تتصلح فى ٣ أيام مش فاهمة، عايزة أفهم من حقى أفهم.

عايزة أسأل السيد المسئول عن مرفق القاهرة الكبرى، هل الميه بتتقطع عن بيته، ولا هو من المناطق المحرمة كدة زى ما عرفنا إن تخفيف الأحمال بقطع الكهرباء عن بعض المناطق كان فيه واسطة، وإن فيه مناطق ما يتقطعش فيها النور أبداً، علشان كبار المسئولين بتوع شركة الكهرباء وأسرهم وحبابيهم ساكنين فيها، وتحميل باقى المواطنين الغلابة اللى مالهموش واسطة فاتورة تخفيف الأحمال، ويا ترى برضه الميه فيها تخفيف أحمال قصدى توفير، وبيقطعوها عن مناطق ومناطق ثانية لأ، عايزين تعرف اشمعنى ماسورة المياه الرئيسية بتاعة المعادى ومدينة نصر والقاهرة الجديدة هي اللى كل شوية تقطع.

أعتقد أن مرفق المياه سواء بالقاهرة الكبرى أو أى منطقة ثانية محتاجة إلى تطهير من الخونة والفاسدين، زى ما حصل فى وزارة الكهرباء ولا المسئول عن مرفق مياه القاهرة الكبرى له رأي ثانى، وشايف إنهم ناس مسالمين وحلوين قوى وطعمين وزى العسل كدة وقلوبهم بيضة ما فيها سنة حقد وغل، وعايزين يعذوبوا المصريين وهما داخل عليهم عيد الأضحى المبارك أعاده الله عليكم يا سادة رؤساء ومسئولى مرفق مياه القاهرة الكبرى، بالخير واليمن والبركات، وتدبحوا الخروف ويارب ما تلاقوا ميه لتنظيفه وتحتاسوا الحوسة اللى احنا فيها.

يا ترى السادة المسئولون عن مرفق المياه ما يعرفوش إن فيه أطفال خارجين المدارس الصبح عايزين يدخلوا الحمام، وإن فيه موظفين راجعين من شغلهم ماعندهمش عربيات مكيفة عايزين ياخدوا حمام، وإن فيه ستات بيوت عايزين يعملوا الأكل لأسرهم، غير إن الأسبوع ده موسم التنظيف بتاعهم علشان عيد الأضحى المبارك أعاده الله عليكم بالخير وما حدش يعكنن عليكم زى ما أنتم معكننين علينا كده.

آه قبل ما اختم نسيت أقول إن جارتى الإخوانية الانتماء، خبطت على من شوية وقالت لى، أهو شوفتى بقه يا ست تهانى، كان النور بس اللى بيقطع، بقت دلوقت الميه والنور، طبعاً فهمت هى عايزة تقول إيه، وقلت لها السيسى يقطع النور يقطع الميه يقطيع الهواء برضه بنحبك يا سيسى.

مانشت

هل يعقل انقطاع المياه فى عز الحر ثلاثة أيام عن مناطق المعادى ومدنية نصر والقاهرة الجديدة، ولا يوجد مسئول   يفسر حقيقة ما حدث أو يعتذر.