<!--
<!-- <!-- [if gte mso 10]> <mce:style><!-- /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:10.0pt; mso-para-margin-left:0cm; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin; mso-bidi-font-family:Arial; mso-bidi-theme-font:minor-bidi;} --> <!-- [endif]---->
حقيقة .. ابتسامة .. وجع ..
دايما فيه حكاية ورا كلمة " تهييس " ..
كتبت: أميرة أسماعيل
محتاج أوقات إنك تفضفض, إنك تحكى بس بطريقة هزيلة شوية, إنك تضحك على حزنك أو مشكلتك ومحدش يقولك "انت مالك؟ ومكتئب ليه؟" عشان كدة ممكن تطلع كل اللى جواك فى شكل "تهييس" أو "هلاوس" أو كلام بهزرا وراه معنى كبير, وده مش معناه إنك بتقول كلام وخلاص, بالعكس إنت بتقول اللى جواك بس بطريقتك..
فى البداية تقول منار سامى (26سنة)مدرسة: بيهيس لما بزعل أوى أو فرحانة أوى لازم وقتها تظهر الهلوسة، عشان أفضفض عن نفسي شوية، وغالبا بدور علي أصحابي اللى بجد واقعد معاهم وتلقائيا بيطلع كل حاجه في نكته في هزار أو في كلام متدارك.
"بحب التهييس أو الجنان كلاهما مفضل بالنسبة ليا".. هذا رأى مايا يوسف(27سنة)مصورة فوتوغرافية , وتحكى عن أمثلة حالات التهييس قائلة: "نزلت الصبح بدرى جدا وروحت البحر ومعايا واحدة صحبتى وروحنا فطرنا وأكلنا أيس كريم وكان يوم رائع .. حتى لو تعبنا جنونا شوية بس بيفرق فى تجديد حالتك النفسية" وطبعا دى فروق فردية من شخص بيميل للتصرفات دى وشخص متحفظ فى حياته.
وتضيف مروة حسين (28سنة)موظفة, أن التهييس عندها ما هو الا كلام بهزار ومعناه بعض السخرية من بعض المشاكل او الأمور التى ترفضها وغالبا بيكون التهييس مجرد نكات وهزار ويفهمنى وقتها المقربين منى فقط أما الباقى فيعتبرها مجرد "كلام فارغ"!
أصحاب المدرسة
ويقول محمد مجدى(27سنة)مترجم, أنا بهييس فى حالتين لما أكون مع أصحاب المدرسة ووقتها بنقعد نهزر على نفسنا ونتريق على بعض وأوقات تانية بهييس لما يكون يومى مطحون شغل وزحمة فى الشغل والمواصلات ووقتها ممكن التهييس يكون تريقة على الناس أو حال الدنيا ودى حاجة بتجدد حالتى النفسية ومطلوبة فى بعض الأوقات.
بينما يوضح أحمد الشيخ(19سنة) طالب بكلية الهندسة وجهة نظره فى التهييس بسبب المذاكرة وحضور المحاضرات وطبعا مع وجود الصحاب بيزيد التهييس والهلاوس كلها بتطلع ومنها طبعا الحقيقى ومنها على سبيل الهزار, وأقات يقلب الهزار تريقة على بعضنا بس بنحافظ إن الحوار لا يتغير مساره ويقلب لجد ونزعل من بعض.
"التهييس يعنى نعمل أى حاجة مجنونة فى أى وقت" هذا ما أشار اليه محمد محسن(16سنة)طالب, فالتهييس عادة سببه ضغط المذاكرة او ضغوط عائلية وبالتالى نلجا للتغيير مع الأصدقاء المقربين لأنهم يستوعبون ما نفعله وما نقوله.
ويرى وليد السيد(28سنة)موظف, إن أفضل طريقة للتعبيرعن أى تهييس أو هلاوس هى الكتابة عبر وسائل التواصل الاجتماعى وأشهرها الفيس بوك وتويتر وغيرها وبالتالى تستطيع التفاعل مع من حولك وقد تصل لنتيجه أو فضفضة حقيقة مع من حولك.
ودلوقتى.. من حقك تقول رأيك, تشتكى من حولك وظروفك.. تقول اللى جواك فى شكل هزار وكلمة وجملة ولو حد سألم قوله سيبك.. دى كلها تهييس وهلاوس
أميرة إسماعيل
ساحة النقاش