إلى حواء، صفحة يحررها قراء حواء.. أرسلوا لنا تعليقاتكم، آراءكم، وإبداعاتكم المختصرة شعرا ونثرا.. ناقشوا ما قرأتموه عبر صفحاتنا أو قدموا اقتراحاتكم وشاركونا أفكاركم.
و ذلك عبر الإيميل [email protected]
«اهربوا من اللى طول الوقت بيشتكوا، حتى وهما فى أحلى أيامهم، على الفيس بيشتكوا، فى الساحل بيشتكوا، بيتخطبوا يشتكوا، بيتجوزوا يشتكوا، يصحوا يشتكوا، و يناموا يشتكوا.
اهربوا من اللى عينهم مش بتشوف غير الوحش، وبيعرفوا يحولوا الحلو وحش، اهربوا من اللى قعدتهم تجيب اكتئاب وإحباط و توتر، اهربوا من اللى بيدوروا على عيوبكم ويتصيدوا أخطاءكم وعايزينكم دايما مقصرين.
اهربوا من اللى بينقطوا طاقة سلبية على اللى حواليهم، وبيبوظوا حياة أى حد يدخلوا فيها، اهربوا بجد وابعدوا عنهم، و اخرجوا من دايرة حياتهم. خلوا علاقتكم بيهم محدودة وفى إطار الواجب، ودوروا على غيرهم، دوروا على ناس إيجابية ودخلوهم حياتكم، ناس يكونوا بيحبوا الضحك والسعادة، وبيشوفوا كل حاجة حلوة علشان يخلوا حياتكم حلوة أو أحلى .»
البوست ده من أحلى الحاجات اللى وصلتنى وغيرت فى حياتي، وللسبب ده فكرت أشاركه معاكم يمكن يساعد حد زى ما ساعدني.
نرمين عادل - الجيزة
ساحة النقاش