- دار حوار بينى وأحد زملائى الذى أعجبت به وشخصيته للمرة الأولى، وقد حرصت على لفت نظره لإعجابى به، وبالفعل نجحت فى ذلك لكن كيف يمكننى الحفاظ على ما حققته والالتقاء به أكثر من مرة؟

الأمر سهل جدا وأنا بحب أسميه ازاى تسحرى لحبيبك وتسيطري على شخصيته، وده له عدة مفاتيح منها "مفتاح المديح"، أى راجل بيحب اللى يمدحه، وكل ما كانت الفتاة قوية كل ما بذل مجهودا لينال إعجابها، لذلك فى بعض الكلمات المحددة اللى ممكن تقوليها يبقى فرحان والبعض الآخر يبقى مش سعيد بيها، ممكن واحدة تقول يعنى يا كابتن نبقى منافقين للشخص اللى بنحبه، أقول لها لا، فى فرق بين المنافق واللى بعلمهولك علشان خاطر تنجحى، المنافق بيمدح الشخص اللى قدامه بما لا يوجد به، إنما أنتِ بتمدحي اللى بتحبيه بمواصفاته،وعلى الرغم من أن كل إنسان بيبقى عارف إن كلام النفاق ده ليس موجودافيه فبيفرح أوى ولو ملقاش حد ينافقه هو اللى بينافق نفسه، ربنا علمنا "الذين يحبوا أن يحمدوا بما لم يفعلوا لا تحسبنهم بمفازة من العذاب".

علشان كده الذكية هى اللى تختار حاجة موجودة فى الشاب ويكون بذل فيها مجهودا، يعنىلوكان بيلعب رياضة وبيبذل مجهودا كبيرا علشان يجمل قوام جسمه أقول له برافو عليك أنت باذل مجهود كبير، ولو هو وسيم أقوله على فكرة أنت وسيم أوى إيه الجمال والشياكة دى والهدوم الحلوة دى.

طيب لو مدحتيه وشكرتيهومجبش معاه نتيجه، أقول لك لأنك مدحتي حاجة هو مابذلش فيها مجهود، فلما تمدحيه فى التمرين الرياضى وتقوليله كلمنى عن المجهود ده، كده يبقى أنتِ شكرتيه ومدحتيه وقولتيله يكلمك عن المجهود اللى هو بذله، ولو قولتيله إيه البدلة الشيك اللى أنت لابسها دى على فكرةهى مع القميص والكرافتة والألوان اللى أنت لابسها تحفة، وأنا معجبة جداً باختيارك للألوان وبطريقة لبسك، أو لو خرج من أزمة من الأزمات تقوليله على فكرة كل ما بقعد معاك وأشوف حكمتك بحس أنك أنت أكبر من سنك، أو لو أنتِ زميلته فى العمل تقوليله أنك باذل مجهود، كده أنتِ عملتى سر تانى من الأسرار اللى هو تخليه يتكلم عن نفسه، لأن الراجل بيحب يتكلم عن نفسه كتير.

المصدر: عمرو جرانة
  • Currently 0/5 Stars.
  • 1 2 3 4 5
0 تصويتات / 102 مشاهدة
نشرت فى 24 يناير 2018 بواسطة hawaamagazine

ساحة النقاش

hawaamagazine
مجلة حواء أعرق مجلة للمرأة والأسرة المصرية والعربية أسسها إيميل وشكرى زيدان عام 1955، وترأست تحريرها الكاتبة أمينة السعيد، ومن يوم تأسيسها تواكب المجلة قضايا وهموم المرأة والأسرة المصرية والعربية. »

ابحث

تسجيل الدخول

عدد زيارات الموقع

6,458,214

رئيس مجلس الإدارة:

مجدى سبلة

رئيسة التحرير:

سمر الدسوقي



الإشراف على الموقع : نهى عبدالعزيز